Home / TALABALAR IJODIDAN / U KUNLAR YODI…

U KUNLAR YODI…

Ikki narsa qolur shaksiz abadiy,

Botirning shavkati, dononing so’zi.

A.Firdavsiy

Ota-bobolarimiz yillar davomida o’z  ona yurtini e’zozlab kelganlar. Qolaversa, istiqlol sharofati bois biz tinch, obod va ozod jannatmonand yurtda yashash baxtiga muyassar bolganmiz. Bizning bu farovon hayotimiz zamirida esa necha-necha mard, jasur, vatanparvar insonlarning mehnati bor. Yurtimizning ana shunday jasoratli farzandlaridan biri Qiziriq tumani “Buyuk kelajak” mahallasida yashab o’tgan Xurram bobo Hakimovdir.

                   Xurram bobo Hakimov 1938 yilda armiya xizmatiga chaqiriladi va 1941 yilgacha qurolli kuchlar safida xizmat qildi. Xizmatni o’tab bo’lib, ona – Vataniga qaytayotgan bir vaqtda Ikkinchi jahon urushi boshlanib qoldi. Xurram Hakimov ham bir guruh vohadoshlarimiz qatori jang maydoniga yuborildi. Stalingrad, Rostov, Don, Kiyev, Odessa, Bendera, Sevastopol, Nikolayev, Kishinev, Lugansk, Ruminiya, Donesk, Italiya, Yugoslaviya kabi bir qancha shahar va mamlakatlarda dushmanga qarshi jang qildi.

               1943 yilda Germaniyaning Berlin shahriga harbiy desant qo’shini tashlanadi. 12 kishining parashyuti daraxt shoxlariga ilinib qolib, dushman tomonidan asir olinadi. Ular orasida Xurram Hakimov ham bor edi.

                 Asirlarni Germaniya bilan Fransiyaning chegarasidagi ko’l yaqinida joylashgan shaharchadagi konslagerga olib ketishadi.

                  Ko’pgina qiyinchiliklardan so’ng, o’z yurtiga qaytib keldi.

                                            Kimdir etik kiyolmas,

                                            Kimningdir yengi bo’m-bo’sh.

                                            Axir, ko’z bo’lolmaydi

                                            Ko’krakdagi nishonlar.

                                            Bir zamonlar ular ham

                                            Edi misli Alpomish,

                                             Qirchillama yoshida

                                             Janggoh kechgan insonlar.

                                             Do’stlarini eslashar

                                             Botguvchi kunga qarab,

                                             Ularku qaytib keldi,

                                             Do’stlari qaytolmaydi.

                                              Suv misoli yugurib,

                                               Nur misoli yugurib

                                               Umr o’tib bormoqda,

                                               Umr yakun topmoqda.

                                                Birodarlar, e’zozlang,

                                                Ularni tirik chog’da.

                                                Suyanchig’imiz bo’lgan

                                                Nortuyalar cho’kmoqda.

Pedagogika fakulteti Tasviriy san’at va muhandislik

grafikasi yo’nalishi  3-kurs 311-guruh talabasi

Sharipova Dilafro’z.